2020

January 24, 2021

நன்றி

January 12, 2021

இலங்கை. மலையகம். கந்தலோயா.

1 தோட்டத் தொழிலாளியின் 1 நாள் சம்பளம் 3 EUR மட்டுமே. 1 மாதத்தில 14 நாட்கள் மட்டுமே வேலை. 1 மாதத்தில் மிகுதி 16-17 நாட்களுக்கு வருமானம் இல்லை. இவர்களின் வருமானம் அடிப்படை வாழ்வாதாரத்துக்கே போதாமையால் பல குடும்பங்களில் பள்ளிக்குச் செல்ல வேண்டிய பிள்ளைகள் உழைப்பதற்குச் செல்லுகின்றனர் அல்லது வீட்டில் இருக்கின்றனர். வறுமையில் இருக்கும் தொழிலாளர்களின் பிள்ளைகளுக்கு கல்வியைச் சாத்தியமாக்குவதற்கும் இதன் மூலம் வருமானம் போதாத பெற்றோருக்கு ஏற்படும் மேலதிக பொருளாதாரச் சுமையில் சிறிதளவைக்குறைப்பதற்கும், உங்கள் நிதி உதவுகிறது.

250 பிள்ளைகள் படிக்கின்ற கந்தலோயாத் தோட்டத்திலுள்ள பாடசாலைக்கு மொத்தமாக 22 ஆசிரியர்கள் தேவை. ஆனால் இருப்பது 8 ஆசிரியர்கள் மட்டுமே. தமிழ்- சிங்கள எல்லைப் பகுதியில்,
நகரில் இருந்து நீண்ட தொலைவில், போக்குவரத்து வசதிகள் மட்டுப்படுத்தப்பட்டளவில் இருக்கின்ற இத் தோட்டப் பாடசாலைக்கு சிரமங்கள் கருதி ஆசிரியர்கள் வருவதில்லை. வருபவர்களும் நிலைத்திருப்பதில்லை. இந்த நிலைமையில் 12ஆம் வகுப்பு வரை வகுப்புக்களைக் கொண்ட இப் பாடசாலையானது எதிர்கொள்ளும் சிரமத்தினை ஓரளவாவது தவிர்க்கும் பொருட்டு உங்களால்
வழங்கப்படுகின்ற நிதி உதவி மூலமாகக் குறித்த பாடங்கள் தெரிந்த, ஆனால் வேலைவாய்ப்பற்று இருக்கின்ற இளைஞர்கள் ஆசிரியர்களாகக் கந்தலோயாப் பாடசாலைக்கு அழைத்து வரப்படுகின்றார்கள்.

 

இலங்கை. கிழக்கு மாகாணம்.

யுத்தத்தினால்/ வேறு காரணங்களால் சமூக, பொருளாதார நிலையில் பின்தங்கிய இடங்களில் வாழுகின்ற பிள்ளைகள் தாம் வாழும் சூழலின் பாதிப்பினால் அடிப்படை அறிவில் தம் வயதையொத்த பிள்ளைகளுடன் சேர்ந்து நிற்க முடியாதவர்களாயுள்ளார்கள். இவர்களுக்கு எழுதவும், வாசிக்கவுமான பரீட்சயத்தை ஏற்படுத்துதல் என்பது மெல்லக் கற்றல் செயற்பாட்டின் அடிப்படையாகும். இச் செயற்பாட்டை முன்னெடுப்பவர்களாக சமூக, பொருளாதார நிலைமையினால் தமது உயர்தரக் கற்றலைத் தாண்டித் தொடர முடியாமல் வீட்டுக்குள் முடங்கிக் கிடக்கும்
இளைஞர்களை உங்கள் நிதி மூலம் வெளியுலகுக்கு அழைத்து வந்துள்ளோம்.

இந்தச் செயற்பாடுகள் தொடருவதும் வேறு செயற்பாடுகளை முன்னெடுப்பதும் உங்களைப் போல் நண்பர்கள் தரும் நிதி மூலமே சாத்தியம். தொடர்ந்தும் உதவுங்கள். உங்கள் நண்பர்களையும் இணைத்துவிடுங்கள்.

 

உங்கள்
உதவி.நண்பர்கள்

2017ம் ஆண்டில் நிதி தந்தோர்

April 1, 2018

2002ம் ஆண்டிலிருந்து மொத்த நிதி

அன்று : 2005/2006

May 12, 2016

2006 Pestalozzi Gymnasium Herne

WAZ_Herne_25022006

2006 Computer sponsered by Pestalozzi Gymnasium Herne 2

2006 Computer sponsered by Pestalozzi Gymnasium Herne 3

2006 Computer sponsered by Pestalozzi Gymnasium herne

2006 Computer sponsered by Pestalozzi Gymnasium Herne 5

2005 Bycles sponsered by Realschule Sodingen Herne 2

2005 Bycles sponsered by Realschule Sodingen Herne

உங்கள் பங்களிப்பு

January 22, 2016

39m vaddai

 

 

 

உங்கள் பங்களிப்புக்கு பிள்ளைகள் சார்பாக எமது நன்றிகள்.

நீங்கள் தரும் நிதியின் பயன்பாடு,  மற்றும் அனைத்து  நிதி விபரங்களையும் எந்நேரத்திலும் (24/7)  www.uthawi.net/donor  என்ற இணைய முகவரியில் பார்வையிடுவதற்கான  பயனாளர் விபரங்கள் உங்களது மின்னஞ்சல் முகவரிக்கு அனுப்பப்பட்டுள்ளன. இந்த விபரங்கள் கிடைக்கவில்லையாயின் மின்னஞ்சலில் எங்களுடன் தொடர்பு கொள்ளுங்கள்.

 

உங்களது நிதியால் பயன்பெறும் செயற்பாடுகள்:

*  சின்னஞ்சிறிய பூக்கள் நூல் வெளியீடு (பிள்ளைகள் எழுதிய ஆக்கங்களின் தொகுப்பு)

*  சந்தோசப்பொழுதுகள் ( பிள்ளைகள் / பெற்றோர்கள்  ஒன்றாகப் பங்குபற்றும் நிகழ்வு)

*  பாடசாலை உபகரணங்கள் வாங்குவதற்கான நிதி

*  பாடசாலை ஆசிரியர்களுக்கான  நிதி

*  மாணவர் விடுதிக்கான நிர்வாக நிதி

*  உலக சினிமா செயற்பாட்டாளர்களுக்கான நிதி

*  கதை சொல்லல் செயற்பாட்டாளர்களுக்கான நிதி

*  மெல்லக் கற்றல் ஆசிரியருக்கான நிதி

*  க.பொ.த.சாதாரண வகுப்பு மாணவர்களுக்கான நிதி

உங்களைப் போன்ற தனிப்பட்ட நண்பர்களின் பெருந்தன்மையான ஆதரவினாலேயே எமது செயற்பாடுகள் தொடர்கின்றன.

 

IMG_2624நிதியின் நகர்வு

* ஜேர்மன் நண்பர்களால் பதிவுசெய்யப்பட்ட அமைப்பான Kriegswaisenhilfe Sri-Lanka e.V இன் வங்கிக்கணக்கிற்கு நண்பர்களின் நிதி வந்து சேருகிறது.

* வங்கிக்கூலியை இயன்றவரை குறைப்பதற்காக வருடத்தில் ஒரு முறை மட்டும் இலங்கையிலிருக்கும் உதவி. நண்பரின் வங்கிக்  கணக்கிற்கு நிதி அனுப்பப்படுகிறது.

* நிதி அனுப்புவதற்காகவும், கணக்கு வைத்திருப்பதற்காகவும் வங்கியால் அறவிட்டப்படும் கூலி மட்டுமே எமக்குக் கிடைக்கும் நிதியிலிருந்து உதவி. செயற்பாடுகளுக்கல்லாமல் எடுக்கப்படும் ஒரேயொரு செலவாகும்.

* இலங்கை வங்கிக் கணக்கிற்கு வந்து சேரும் நிதி  நடைமுறைப்படுத்தப்படும் செயற்பாடுகளுக்கு பகிர்ந்தளிக்கப்படுகிறது.

* செயற்பாடுகளுக்குப் பகிர்ந்து கொடுக்கப்படும் நிதி உரிய தேவைகளுக்குப் பயன்படுத்தப்படுவதை அந்தந்த இடங்களுக்கு போய் நேரில் பார்த்து உறுதி செய்து கொள்கிறோம்.

* செயற்பாடுகளை நடைமுறைப்படுத்துபவர்களினால் கணக்கு அறிக்கைகள் எமக்கு அனுப்பி வைக்கப்படுகின்றன.

* இலங்கையிலிருந்து வரும் கணக்கு அறிக்கைகள், இலங்கை வங்கிக் கணக்கின் பற்றுச்சீட்டு, ஜேர்மன் வங்கிக் கணக்கின் பற்றுச்சீட்டுகள் என்பன   Kriegswaisenhilfe Sri-Lanka e.V அமைப்பினால் ஜேர்மன் நிதித்திணைக்களத்திடம் கண்காணிப்பிற்காக ஒப்படைக்கப்படுகிறது.

இவையனைத்துக்கும் மேலாக, இலங்கையில் உதவி.செயற்பாடுகள் நடைபெறும் இடங்களுக்கு வருவீர்களாயின், எங்களுக்குக் கிடைக்கின்ற நிதி உரிய முறையில் பயன்படுத்தப்படுகிறதா  என நேரில் பார்த்துக்/கேட்டுத் தெரிந்துகொள்ளக்கூடிய வழி என்றும் திறந்தேயுள்ளது

எங்களுடன் இணைந்து பிள்ளைகளுக்கு ஆதரவளிப்பதற்காக உங்களுக்கு எமது நன்றிகள்.

அன்புடன்,
உதவி.நண்பர்கள்

3

கதை சொல்லல். 2014 – 2

August 8, 2014

uthawi.story.2014.2 from uthawi on Vimeo.

கதை சொல்லல். 2014 – 1

June 3, 2014

uthawi.story.2014.1 from uthawi on Vimeo.

உங்கள் உதவி

April 20, 2014

விடியல் 2013

April 6, 2014

vidiyal2013_4விடியல் 2013,
கே/தெ/கந்தலோயா தமிழ் வித்தியாலயம்,
நாவலப்பிட்டி,
இலங்கை.
25.3.2014

உதவி.நண்பர்கள்,

சப்பிரகமூவா மாகாணத்தின் கேகாலை மாவட்டத்தில் மத்திய மாகாணத்தின் எல்லைக்கோட்டுக்கு அருகாமையில் அமைந்துள்ள மிகவும் கஷ்ட பிரதேசம் கந்தலோயா தோட்டம். இங்கு வாழும் நாங்கள் எந்தவிதமான அடிப்படை வசதிகளும் அற்ற நிலையில் இருக்கின்றோம். பெருந்தோட்ட மக்கள் அபிவிருத்திச் (J.D.E.B) சபைக்குச் சொந்தமான இத்தோட்டம் நஷ்டத்தில் இயங்குகின்றது. எனவே ஒரு கிழமைக்கு மூன்று நாட்கள் மட்டுமே தொழில் கிடைக்கின்றது. ஏனைய நாட்களில் அருகாமையிலுள்ள பெரும்பான்மை இனத்திற்கு சொந்தமான சிறு தேயிலைத் தோட்டங்களில் நாட்கூலிக்கு எமது தோட்ட மக்கள் செல்கின்றனர்.

இவ்வாறான ஒரு தோட்டப் பின்னணியில் தான் நாம் கல்விகற்கும் கே/தெ/கந்தலோயா தமிழ் வித்தியாலயம் இயங்கி வருகிறது. இந்த பாடசாலையில் முதன்முதலாக 2013ம் ஆண்டே க.பொ.த சா/த வரை ஆரம்பிக்கப்பட்டு நாங்கள் பரீட்சைக்குத் தோற்றினோம்.

vidiyal2013_3தற்போது நாங்கள் ‘விடியல் 2013’ எனும் பெயரில் ஒரு குழுவாக இயங்கி வருகிறோம். திங்கட்கிழமை கணணி வகுப்புக்கும், செவ்வாய், புதன் ஆங்கில வகுப்புக்கும் செல்கிறோம். மற்றைய நாட்களில் ஒரு நாளை எமது பாடசாலையில் ஏனைய வகுப்பு மாணவர்களுக்கான கற்றல், கற்பித்தல் செயற்பாடுகளில் ஈடுபடுகின்றோம். மிகுதி நாட்களில் மலையகம் மற்றும் ஏனைய இலக்கிய நூல்களை வாசிப்பதோடு, அரசியல் சார்ந்த செய்திகள், எமது உயர்தர கற்றலுக்குத் தேவையான விடயங்களை தேடிப் பார்ப்பதோடு மட்டுமல்லாமல் உலகத் தரம்வாய்ந்த நல்ல சினிமாக்களையும் பார்க்கின்றோம்.

எங்களில் 7 பேர் உயர்தரம் கற்க 2014ம் வருடம் ஆகஸ்ட் மாதம் வெளிமாவட்டத்திற்கு செல்ல இருக்கின்றோம். எமது சப்பிரகமூவா மாகாணத்தில் முறையான ஒரு உயர்தரம் கற்கும் பாடசாலை இல்லாததால்; பெரும்பாலும் மத்திய மாகாணத்திலுள்ள பாடசாலைக்கே செல்ல வேண்டியிருக்கிறது. இவ்வாறு செல்ல வேண்டுமென்றால் அங்கு விடுதிகளில் இருந்தே படிக்க வேண்டும். இதற்காகவும் மேலதிக வகுப்புகள் மற்றும் ஏனைய செலவுக்காகவும் ஒரு மாதத்திற்கு ஒரு மாணவருக்கு சுமார் 8000.00 இல.ரூபா [1]  செலவாகும்.

vidiyal2013_2எம்மால் படிப்பைத் தொடர முடியாது போனால், எங்கேயோ ஒரு இடத்தில் குறுகிய உலகப்பார்வையுடன் இருப்போம். அம்மா, அப்பா வேலைக்குச் செல்ல நாங்கள் சமையலுக்காக குசினியிலோ அல்லது  புடவைத் தொழிற்சாலையிலோ, பணக்காரர்களின் வீடுகளிலோ கூலி வேலை செய்து கொண்டிருப்போம்.

எமது பெற்றோர்கள் அனைவருமே தோட்டத் தொழிலாளர்கள். இதில் 05 மாணவர்களின் அப்பா இறந்து போக, அவர்களின் தாயின் உழைப்பிலேயே ஜீவியம் செய்கிறார்கள். ஏனைய இரு மாணவர்களின் வீட்டில் தாய், தந்தை இருவரில் ஒருவருக்கு சுகவீனமான நிலையில் இருக்க, ஒருவர் மட்டுமே தொழில் செய்கிறார்கள். எனவே எந்த விதத்திலும் எமக்கான கல்விக்கான செலவை எம்மால் பூர்த்தி செய்ய முடியாத நிலையிலேயே நாங்கள் இருக்கிறோம்.

எங்களுக்கு இவ்வாறான ஒரு உதவி கிடைக்காவிட்டால் நாங்கள் தொடர்ந்தும் எமது கல்வியை முன்னகர்த்தி செல்ல முடியாத நிலை ஏற்பட்டுவிடுமோ என்ற அச்சத்தில் இருக்கின்றோம். எமது அனைவருக்கும் தொடர்ந்தும் படிக்கவேண்டுமென்று ஆசையாக இருக்கிறது. கல்வியின் தாற்பரியத்தை நன்கு உணர்ந்தவர்களாக இருக்கின்றோம். எனவேதான் நாங்கள் உங்களை போன்ற நண்பர்களின் உதவியை நாடுகிறோம்.

vidiyal2013_5உங்களின் உதவி கிடைக்குமாயின் அதன் பெறுமதியை உணர்ந்து, அதற்கேற்றால் போல் படித்து, எங்களின் விருப்புகளுக்கும், கனவுகளுக்கும் உயிர் கொடுப்போம் என்பது எமது நம்பிக்கை.

எமது கனவு  நன்றாகப் படித்து, A/L இல் உயர்மதிப்பெண்கள் எடுத்து, பல்கலைக்கழகம் சென்று, எம்மை கல்வியில் ஆளுமை மிக்கவர்களாக நிலைநிறுத்துவதோடு சமூகம் சார்ந்த செயற்பாடுகளில் ஈடுபடுவது. மலையகம் மட்டுமல்லாமல் ஏனைய சமூகங்களின் வளர்ச்சிக்கும் எம்மால் இயன்றவரை பங்களிப்பது எமது விருப்பு.

எமது கனவுகளையும், விருப்புகளையும், நம்பிக்கைகளையும் தீர்மானிப்பதாக நிதியே இருப்பதால், நண்பர்களிடம் உதவியை எதிர்பார்ப்பதைத் தவிர்க்க முடியவில்லை.

நன்றி

அன்புடன்,
விடியல் 2013 மாணவர்கள்

_________________________________________

[1]  அண்ணளவாக 50.00 யூரோ